තුනෙන් දෙකක බලයක් ඇති ආණ්ඩුවක් තනියම ඇවිත් ගත් හැටි
රනිල් වික්‍රමසිංහ, ජනාධිපති ගෝඨාභය රාජපක්ෂ ඉදිරියේ අද (12) පස්වරුවේ දිවුරුම් දීමත් සමග ලෝක දේශපාලන ඉතිහාස පොත් අලුත් කරමින් ලෝකවාර්තාවක් පිහිටුවා ඇත.
ඒ 6 වතාවක් රටක අග්‍රාමාත්‍යවරයා ලෙස පත්වූ ලොව එකම දේශපාලනඥයා ලෙසයි. නිදහස් ශ්‍රී ලංකාවේ 26 වන අගමැතිවරයා ලෙස අද දිවුරුම් දුන් රනිල් වික්‍රමසිංහ අග්‍රාමාත්‍යවරයා ලෙස මෙවර දිවුරුම් දෙන්නේ 6 වන වතාවටයි.
විසිවන ආණ්ඩු ක්‍රම ව්‍යවස්ථා සංශෝධනයෙන් බලවත් වූ ජනාධිපතිවරයකු යටතේ තුනෙන් දෙකක බලයක් සහිත ආණ්ඩුවක් පැවති අවස්ථාවක තනි මන්ත්‍රීවරයකු ලෙස පාර්ලිමේන්තුවට පැමිණි රනිල් වික්‍රමසිංහ රටේ අග්‍රාමාත්‍ය ධුරයට පත්වීම ද සුවිශේෂී කාරණයකි.
