ශ්‍රී ජයවර්ධනපුර මහ රෝහලේ රෝගී සත්කාර සේවා සඳහා අය කරන ගාස්තු අඩු කිරීමට සෞඛ්‍ය අමාත්‍යාංශය සූදානම් වෙයි. මෙම රෝහලේ ප්‍රතිකාර ලබා ගැනීම සඳහා පැමිණෙන රෝගීන්ගේ සංඛ්‍යාව අවම වීම හේතුවෙන් මෙම පියවර ගැනීමට නියමිතය. ජනාධිපතිවරයාගේ උපදෙස් මත සෞඛ්‍ය ඇමැති පවිත්‍රා වන්නිආරච්චි ඇතුළු සෞඛ්‍ය බලධාරීන් පෙරේදා (10 වැනිදා) සාකච්ඡාවක් පවත්වා ඇත. ළමා වාට්ටු, බාහිර රෝගී අංශය සහ වෛද්‍ය වාට්ටුවලද සෞඛ්‍ය ඇමැතිවරිය නිරීක්ෂණයක යෙදුණු අතර එහි දී අනාවරණය වූයේ රෝගීන් ප්‍රතිකාර ලබා ගැනීම සඳහා පැමිණීම අවම බවයි. මෙම රෝහලේ රෝගී සත්කාරක සේවා සඳහා අය කරන ගාස්තුව අඩු කිරීමේ ක්‍රමවේදය සකස් කර වාර්තාවක් ලබා දෙන ලෙස සෞඛ්‍ය ඇමැතිවරිය රෝහලේ සභාපති එස්.ඩී. ජයරත්නට දැනුම් දෙන ලදී. තවද පරිපාලන කාර්ය පටිපාටිය වෙනස් කිරීමටද තීරණය කර ඇත. උදයජීව ඒකනායක ශ්‍රියානි විජේසිංහ