ඔන්ලයින් හරහා දරුවන්ට සිදු කරන හිංසන වැඩියි

ළමා අපයෝජන සහ හිරිහැර සම්බන්ධයෙන් පසුගිය මාස හයේදී පැමිණිලි 4700 පමණ ලැබී ඇතැයි ජාතික ළමා ආරක්ෂක අධිකාරියේ සභාපති මහාචාර්ය මුදිත විදානපතිරණ මහතා සඳහන් කරයි. එම පැමිණිලි බොහෝමයක් සම්බන්ධයෙන් විමර්ශන අරඹා ඇති අතර අධිකාරියේ විෂය පථයට අයත් නොවන පැමිණිලි අදාළ අංශවලට යොමු කර ඇති බව ඒ මහතා පවසයි. ඉදිරිපත් වී ඇති පැමිණිලි බොහොමයක් ළමා අපයෝජන, ලිංගික හිරිහැර,පහරදීම් හා අඩන්තේට්ටම්,ඔන්ලයින් හිරිහැර සම්බන්ධයෙනි.

ඔන්ලයින් හරහා දරුවන්ට සිදු කරන හිංසන සම්බන්ධයෙන් ඉදිරිපත් කෙරෙන පැමිණිලි වල තරමක වැඩිවීමක් දක්නට ලැබෙන බව මහාචාර්ය මුදිත විදානපතිරණ මහතා පවසයි.

පසුගිය වසරේදී පමණක් ඔන්ලයින් හිංසන සම්බන්ධයෙන් පැමිණිලි 152ක් වාර්තා වී ඇති අතර මේ වසරේ මේ දක්වා ඔන්ලයින් හිංසන සම්බන්ධ පැමිණිලි 74ක් ලැබී ඇති බව ඒ මහතා වැඩිදුරටත් සඳහන් කරයි.