කාබනික පළිබෝධ නාශක ලියාපදිංචිය අරඹයි

මෙරටට පළිබෝධ නාශක වර්ග 200ක් ආනයනය කර ඇතත් ඉන් පරීක්ෂාවට ලක්කර ඇත්තේ 18ක් පමණක් බව කෘෂිකර්ම ඇමැති මහින්දානන්ද අලුත්ගමගේ පැවසීය. එම පරීක්ෂණ කටයුතු සිදු කර ඇත්තේද විදෙස් රටවලදී බවත් ඇමැති මහින්දානන්ද අලුත්ගමගේ පැවසීය.

වී ඇතුළු විවිධ භෝග වර්ග යෙදීම සඳහා කෘමිනාශක, වල් නාශක සහ දිලීර නාශක වර්ග 200ක් පමණ පසුගිය කාලය පුරාවට ආනයනය කර ඇති බවත්, ඉන් රජයේ ලියාපදිංචිය ලබාගෙන ඇත්තේ පළිබෝධනාශක වර්ග 80ක් පමණක් බව ද ඇමැතිවරයා පැවසුවේය.

රසායනික පළිබෝධ නාශක වර්ග මෙරට වගාවන්ට යෙදීම නිසා පරිසරයට දැඩි බලපෑමක් එල්ල වන බැවින් මෙරටදී නිපදවනු ලබන කාබනික පළිබෝධ නාශක ලියාපදිංචි කිරීමේ කටයුතු කෘෂිකර්ම අමාත්‍යාංශය විසින් ආරම්භ කර ඇතැයි ද ඇමැතිවරයා වැඩිදුරටත් පැවසුවේය. සාලිය කුමාර ගුණසේකර