වෙළෙඳපොළේ අමු කහ කිලෝවක තොග මිල රුපියල් 50 ක් දක්වා පහත වැටී තිබේ.

ඉකුත් කොවිඩ් සමයේදී කහ බීජ අල කිලෝවක මිල රුපියල් දහසක් පමණ දක්වා ඉහළ ගියේය.

තොග වෙළෙඳපොළේ මේ දිනවල අමු කහ කිලෝව රුපියල් 50 කට අලෙවි වන අතර, සිල්ලර කිලෝවක මිල රුපියල් 80 ත් 100 ත් අතර වේ.

කහ වගා කිරීමෙන් සාර්ථක ආදායමක් ලබා ගැනීමට නොහැකි තත්වයක් උද්ගතව ඇතැයිද ගොවීහු කියා සිටිති.

අමු කහ මිල ගණන් පහත වැටී තිබුණද, ඇතැම් පුද්ගලික සමාගම් විසින් කහ කුඩු කිලෝවක් තවමත් අලෙවි කරන්නේ රුපියල් 3000 කට වඩා වැඩි මිලකටය.