ඉන්දියාවේ කන්නඩ චිත්‍රපට නළුවක් වන නාගභූෂන් අත්අඩංගුවට ගෙන තිබේ.

ඒ ඔහු විසින් අධික වේගයෙන් පදවාගෙන ගිය මෝටර් රථයක ගැටී කාන්තාවක් මිය යෑමේ සිදුවීමක් හේතුවෙනි.

ඊයේ (30) රාත්‍රියේ වසන්තපුර ප්‍රධාන මාර්ගයේදී මෙම අනතුර සිදුව ඇති බව විදෙස් මාධ්‍ය පැවසුවේය.

මිය ගිය කාන්තාව සහ ඇයගේ සැමියා මාර්ගයේ ගමන් කරමින් සිටියදී අධික වේගයෙන් පැමිණි මොටර් රථය ඔවුන්ගේ ගැටී පසුව මාර්ගය ආසන්නයේ තිබූ විදුලි කණුවක ද ගැටී ඇති බව විදෙස් මාධ්‍ය පවසයි.

මියගිය කාන්තාවගේ සැමියා ද අනතුරෙන් බරපතළ තුවාල ලබා රෝහල්ගත කර ඇති බව සඳහන් වේ.