මුහුදුබත් වූ ටයිටන් සබ්මැරීනයේ ගොඩ ගසා තිබූ සුන්බුන් අතරින් මිනිස් අවශේෂ බවට සැක කෙරෙන කොටස් හමු වූ බව අමෙරිකානු වෙරළාරක්ෂක බලකාය පවසයි.

මුහුදු අභ්‍යන්තරයේදී පුපුරා ගිය බවට සැක කෙරෙන ටයිටන් සබ්මැරීනයේ සුන්බුන් කිහිපයක් කැනඩාවේ සාන්ත ජෝන් වෙරළ ප්‍රදේශයට ගෙනවිත් තිබූ බව විදෙස් මාධ්‍ය වාර්තා කළේය.

සුන්බුන් අතරින් හමු වූ දේහ කොටස් අමෙරිකාවට රැගෙන ඒමෙන් අනතුරුව ඒ පිළිබඳ පරීක්ෂණ සිදුකිරීමට නියමිත බව අමෙරිකානු වෙරළාරක්ෂක බලකාය නිවේදනය කළේය.

ටයිටන් සබ්මැරීනට කුමක් සිදුවූයේ ද යන්න තවමත් අවිනිශ්චිත බැවින් නැවත මෙවැනි අවාසනාවන්ත තත්ත්වයක් ඇති නොවීම සඳහා පුළුල් විමර්ශන සිදු කරන බව බලධාරීන් සඳහන් කළේය.

පසුගිය සතියේ මෙම ටයිටන් සබ්මැරීනය අනතුරට ලක් වුයේ පුද්ගලයින් 5දෙනෙකු සමග අත්ලන්තික් සාගරයේ මුහුදුබත් වී තිබෙන ටයිටැනික් නෞකාවේ නටඹුන් නැරඹීමට ගිය අවස්ථාවේදීයි.