කළුතර ගමගොඩ ප්‍ර‌දේශයේ නිවසකට පෙට්‍රල් බෝම්බ ප්‍රහාරයක් එල්ලකර පස් හැවිරිදි පිරිමි දරුවෙකු ඝාතනය කර තවත් කාන්තාවකට බරපතල තුවාල සිදුකිරීමට සම්බන්ධ පුද්ගලයින් දෙදෙනෙකු අත්අඩංගුවට ගෙන තිබේ.

කළුතර කොට්ඨාශ අපරාධ විමර්ශන ඒකකය පැවසුවේ, අත්අඩංගුවට ගත් පුද්ගලයින් දෙදෙනා දොඩංගොඩ අක්කර 33 ප්‍රදේශයේ සහ සහ කළුතර කෝන්ගොඩ ප්‍රදේශයේ පදිංචි 23 සහ 25 වියැති පුද්ගලයන් දෙදෙනෙකු බවයි.

සැකකරුවන් පසුගිය 29 වැනිදා රාත්‍රී කළුතර ගමගොඩ ප්‍රදේශයේ නිවසකට පෙට්ට්‍රල් බෝම්බ ප්‍රහාරය එල්ලකර තිබූ අතර, එහිදී කාන්තාවක් තුවාල ලබා එම නිවසට රූපවාහිනි නැරඹීම සදහා පැමිණ සිටී පස් හැවිරිදි පිරිමි දරුවෙකු මියගොස් තිබුණි.

සැකකරුවන් ප්‍රහාරය සදහා භාවිතා කළ යතුරුපැදිය, තවත් පෙට්‍රල් බෝම්බයක් සැදීමට භාවිතා කළ දෑ සහ ජංගම දුරකථන දෙකක්ද සොයාගෙන තිබේ.