සංචාරක ශ්‍රී ලංකා කණ්ඩායම සහ නවසීලන්ත කණ්ඩායම අතර පැවැත්වෙන ටෙස්ට් ක්‍රිකට් තරගාවලියේ දෙවන ටෙස්ට් තරගය හෙට (17) ආරම්භවීමට නියමිතයි.

එම තරගය ශ්‍රී ලංකා වේලාවෙන් හෙට (17) අළුයම 3.30ට ආරම්භ කිරීමට සියලු කටයුතු සූදානම් කර තිබේ.

තරගය පැවැත්වෙන්නේ නවසීලන්තයේ වෙලිංටන් ක්‍රීඩාංගණයේදීයි.

මෙම ටෙස්ට් තරගාවලියේ පළමු තරගය කඩුළු 2කින් ජය ගැනීමට සත්කාරක නවසීලන්ත කණ්ඩායම සමත් විය.

එම තරගයේ ශ්‍රී ලංකා පිල ලැබූ පරාජයත් සමග ලෝක ටෙස්ට් ශූරතාවලියේ අවසන් මහා තරගයට සුදුසුකම් ලැබීමට නොහැකි විය.