රත්ගම පොලිස් විශේෂ කාර්ය බළකායේ යතුරුපැදි සංචිතයට ලද තොතුරකට අනුව ඊයේ (20 වැනිදා) දහවල අක්මීමන හියාරේ ප්‍රදේශයේදී අලෙවි කිරීම සඳහා රැගෙන යමින් තිබූ ගජමුතු හතරක් සැකකරුවන් දෙදෙනකු සහ ඔවුන් ගමන්ගත් යතුරුපැදියද සමග අත්අඩංගුවට ගෙන ඇත. රත්ගම පොලිස් විශේෂ කාර්ය බළකා කඳවුරේ ප්‍රධාන පොලිස් පරීක්ෂක ප්‍රියන්ත කුමාර පැවැසුවේ, අත්අඩංගුවට ගනු ලැබුවේ අක්මීමන හියාරේ ප්‍රදේශයේ පදිංචි වයස අවුරුදු 40 සහ 42 හැවිරිදි පුද්ගලයන් දෙදෙනකු බවය. ගජමුතු සහ සැකකරුවන් දෙදෙනා වැඩිදුර විමර්ශන කටයුතු සඳහා හික්කඩුව වනජීවී කාර්යාලය වෙත භාරදුන් බවත් ඔහු පැවැසීය. උපුල් මහේෂ් -බද්දේගම